Stop The War

Jung Kis maslay ka hal hay socho zra

aman jung say behtar hay smjho zra

larna kam hay jungli drindun ka socho zra

Sulah bhtr hay lrai sau naadanun smjho zra

jb sharm o haya say mar jata hay insaan to phir

kiun bnae bomb itnay marnay ko isay smjho zra

kiun bhatay ho khoon bat bat pr socho zra

nasl e Adam k khoon ka rang aik hay smjho zra

Kiun bhaint charh rahay hain jawan socho zra

sb maaun kay matam ka treqa aik hay smjho zra

jin kay kho gae laal unsay pocho zra

jeenay ki umar main so jatay hain matti main kiun

sokhay hont pait say bhookay tn say nangay dekho zra

bina kisi ghar kay jhailtay hain mosmun ki tmazat smjho zra

Footpath pr bhookay nangay jitnay hain ye apnay hain dekho zra

ik choonti ka bhi drakht ki kho main ghar hay pr inka kiun nahin smjho zra

pait say bhookay foji kay hath main hathyar dekho zra

karnay ko Jung kay lawazmat poray hathun main hain kashkol kiun socho zra

Maqsad Kiya hay Hasti ka Noor Akhter socho zra

Tag: #LetPeacePrevail